Tanah Karo Online [ Tanahkaro!Foundation ]

Perjumpan sesama kalak karo rusur imulai alu ertutur. enda menam kerina kita Karo la lupa atau la pernah lupa. bicara terjadi sekalak ibas ertutur enda enggo lupa, biasana anak-anak muda si enggo ndekah la ku kuta atau lahir diluar Karo, tapi teman ertutur e biasana mulai, ntah ia tuan (lebih tua umur) atau itandaisa ka Nande/Bapa atau bahkan Ninina atau kutana. Emaka nungkuni kutana pe seh kang pentingna, sebab arah e pe kari Banci kang terbetteh ise teman ertutur enda, ertina piah sibetehen ka 'ganjang teruhna' tutur edi. Ecna e mis siakap meriah atau reh riahna ukurta, perbahan enggo lit tuturta erkai kita, atau perbahan enggo ka kita sibetehen kepeken anak sianu atau kempu sianu kap kam. Atau sada kuta kepeken kita atau pedeheren kepe kutanta hehehe . . .

Sangana lit gendang guro-guro ate tedeh (kerja tahun) i Belanda tahun silewat, jumpa ras ertutur ka aku ras sekalak diplomat kalak Karo merga Karo-Karo ka. Si orat-oraten kujah kuje, dungna ningku, kam me kalimbubu sebab aku bere Karo ndai ningku. Tapi reh nina, banci kang kuakap kam kalimbubu sebab siman bangku enda beru Gintingndu ndai kang nina. Eak, beru Ginting kami ka kapken sibuatna, e pe seh kang ergana man bangku, beru Ginting ndai teku ka. Tapi beru Karo ka kapken si naruhken aku ku doni enda, apai ngenda si ergan? Jalan buntu kujah kuje, eak 'apai siakap si menguntungkan e me sibahan tuturta' nina Karo Mergana adah ndai. Io oh . . . diplomat . . . ateku. Kecepatenna erbahan putusen si banci iterima kerina pihak janah erbahan meriah ukur dunia hehehe . . .

Jumpa ras sekalak tutur kami ersenina sipemeren, sebab sama-sama bere Karo. Akhir kata nina, 'bicara ugapape kam tetap nge ermalem ukur Senina', nina ngataken bangku sebab aku ergelar Malem Ukur. bujur senina, kam pe ermalem ukurlah rusur, gia la bage ikataken gelarndu ningku hehehe . . .

"MJJ Kalimbubu Ginting Mergana" nina Shodan Purba ngataken bangku ibas milista. Eak, la gia ikatakenna engkai ? maka ia erkalimbubu man bangku, tapi secara Karo tentu banci nge kuangkai, Uga keriahen ukurna erkalimbubu, ertina pasti ka nge lit sebabna arah adat Karo maka ia pang nuduhken keriahen ukurna erkalimbubu man kalak ginting sirulo. Tapi enda pe banci kang kari berakhir bagi si ras diplomatta adah ndai. Aku pe banci kang bertahan jadi anak beru, ngergai beru Karo simupus aku ka, taren lenga sitteh 'ganjang teruhna' sipake' apai si menguntungkan e me sibahan tuturta' hehehe . . .

Encage kutambahken sitik man bandu anakberu (Shodan Purba), bujur melala ibas penghargaandu nggejapken aku jadi moderator panel diskusi pemekaran, gia labo aku mungkin hadir ndauhsa bas kuta kemulihenta nari. Tapi arapenku man bandu kerina anak-muda/mahasiswa , wanita, ras senior-senior Karo gelah banci sukses ibas seminar enda. Dukungan ras kepercayaan bas aku nari 100 % penuh.

Eak, enda ka lebe anakberu-senina- kalibubu! Enda ertina man banta kalak Karo lanai lit isepe sitading, hehehe . . .

Mejuah-juah kita kerina.

MUG (Malem Ukur Ginting)

Email: gintingmu@yahoo. se atau ginting01@yahoo. se

Write comment
Name:
Email:	do not notifynotify
Website:
Title:
UBBCode:	-color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge
	Please input the anti-spam code that you can read in the image.

3.22 Copyright (C) 2007 Alain Georgette / Copyright (C) 2006 Frantisek Hliva. All rights reserved."