Tanah Karo Online [ Tanahkaro!Foundation ]

Pulungen tawar
Sastrawan Tarigan

la er medu-medu aku Ndarami pulungen tawar
kerina bulung i kerangen enggo me kusiar
Si enda ipilihi gelahna jadi Tambar
Enda ulihna aku la megiken ajar

    rimo pangir Pitu erbage enggom igelati
    Bunga lau pitu sampuren enggom i buati   
    Kersih pitu inganen epe enggom i jemputi
    Si e kerina Nande karo enggom itabasi

Sitik rananku salah
Eme dalanna kutadingkenndu
robah pe aku ningku
Lanai lit rananndu sengkebabah

    Suinae... suinae... suinae nande karongku
    Perpulungen pe muat bagin la kel lupa ertoto
    Ka sakai Guru Sibaso la ketadingen Ercibal belo
    pinakit ku e nande karo Lalap la Malem

Si entebu e kin pe nanamna kuakap macem
ula pedah adam malik prigadi opnamekenndu aku turang
Elisabet gleneagles pe enggom erpenulak

    Ula pedah sambar seribu
    Gancih sambarndu nde karongku
    adi la kin kena ise pelanai ibas ukurku

Mari turang....
Mari mesayang...
kam nge tambarna
Kam ngenca ngasup nambari aku

    Mari Karongku
    Mari mesayang
    Adi lit denga perkuah atendu
    Tambari aku salu kekelengenndu
 

Comments

Add New Search

Write comment
Name:
Email:	do not notifynotify
Website:
Title:
UBBCode:	-color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge
	Please input the anti-spam code that you can read in the image.

Powered by !JoomlaComment 3.22

3.22 Copyright (C) 2007 Alain Georgette / Copyright (C) 2006 Frantisek Hliva. All rights reserved."